28.12.2020

Eksternat qaydasında aralıq imtahanları keçirilib

Əvvəlki illərdə ümumi təhsil məktəblərini ümumi orta (IX) və tam orta (XI) təhsil səviyyəsi üzrə bitirə bilməyən şəxslər üçün eksternat qaydasında aralıq imtahanları keçirilib.

Koronavirus (COVİD-19) infeksiyasının yayılmasının qarşısının alınması məqsədilə və sosial izolyasiya qaydalarına uyğun olaraq imtahanlar şifahi müsahibə şəklində həyata keçirilib. Buna uyğun olaraq eksternat qaydasında aralıq imtahanları onlayn formada (şifahi) təşkil olunmuşdur.

Eksternat qaydasında attestat əldə etmək üçün elektron formada müraciət etmiş namizədlərə yarana biləcək texniki problemlərin qarşısını almaq məqsədilə ilkin olaraq təlimatlandırma aparılmış və müvafiq addımlar atılmışdır.

Qeyd edək ki, sərbəst (eksternat) təhsilalma formasının tətbiqi müxtəlif səbəblərdən ümumi orta və tam orta təhsil səviyyəsini başa vura bilməyən şəxslərə həmin səviyyə üzrə buraxılış imtahanı verərək müvafiq təhsil sənədi almaq üçün şərait yaratmaq məqsədi daşıyır.

Məlumat üçün qeyd edək ki, eksternat imtahanlarında uğur qazanmış şəxslər ümumi orta və tam orta təhsil haqqında sənəd (attestat) almaq üçün Dövlət İmtahan Mərkəzi tərəfindən keçirilən buraxılış imtahanlarında iştirak etmək hüququna sahib olacaqlar.


Açar sözlər: ,  ,  ,